Берілген апелляция бойынша Астана соты Арыстанбек Мұхамедиұлының ісін қайта қарауды бастады, деп хабарлайды kaskelen.kz.
“Адвокаттардың, сотталушылардың қорғаушыларының атынан берілген апелляцияға байланысты А.Мұхамедиұлы, А. Нұразхан, А. Сәдуақасова және А. Көшеновке қатысты қылмыстық іс қайта қаралатын болады”, – деді судья Мұрат Еркінбекұлы сот отырысында.
Отырыста Мұхамедиұлы мен оның үш сыбайласының: А. Нұразхан, А. Сәдуақасов, А. Көшенов істері бірлесіп қаралатынын атап өтеміз.
Сот өтініштерді тыңдады. Адвокаттардың бірі бұл процесті кейінге қалдыруды сұрады, өйткені материалдармен танысуға мүмкіндік болмады. Тағы бір адвокат залалды өтеу және айыптау бойынша позициямен бірігу үшін сот күнін кеш кезеңге ауыстыруды сұрады.
Алайда сот олардың өтініштерін қабылдамады.
Шектеулі уақытқа байланысты сот отырысты 14 қыркүйекке сағат 9:30-ға ауыстырды.
2022 жылғы 29 мамырда ҚР Ұлттық музейінің директоры Арыстанбек Мұхамедиұлы соттың санкциясымен қамауға алынды. Ағымдағы жылдың 20 маусымында ол 8 жылға бас бостандығынан айырылды.
Ұлттық музейдің Экс-директоры 221 млн теңге жымқырғаны үшін кінәлі деп танылды. Тергеу барысында жауапкершілікті жеңілдету мақсатында оларға мемлекет кірісіне айналдырылған 111 млн теңге сомасындағы залал ішінара өтелді. Арыстанбек Мұхамедиұлының адвокаты сотқа апелляциялық шағым түсірді.
