2023 жылдың 9 қазанында Қазақстанда Ұлттық ұланның әскери қызметшісі қайтыс болды, деп хабарлайды kaskelen.kz.
ҚР Ұлттық ұланының баспасөз қызметінің мәліметінше, қайғылы оқиға 2023 жылдың 9 қазанында болған.
Жалпы хабарламада 6636 әскери бөлімнің әскери қызметшісі қатардағы Қайсар Сұлтанов әскери қалашықты күзету жөніндегі кезекші бөлімшенің құрамына кіргені айтылды.
“Сағат 01:20 шамасында штаб бойынша кезекші және кезекші бөлімше командирі қызмет өткеруін тексеру кезінде қатардағы Сұлтанов өз бекетінде басына оқ атып өзін-өзі жарақаттаумен табылды. Келген жедел жәрдем көлігі өлім туралы хабарлады”, – делінген ҚР Ұлттық ұланының баспасөз қызметінде.
Сондай-ақ, оқиғаның мән-жайы анықталып жатқаны атап өтілді.
“Қызметтік тергеу жүргізілуде. ҚР ҚІЖК-нің 201-бабына сәйкес өзге де ақпарат тергеу мүддесі үшін жария етілмейді”, – дейді ҚР Ұлттық ұланының баспасөз қызметі.
