Қазақстандық кәсіпқой боксшы Жәнібек Әлімханұлы (15-0, 10 КО) рингтегі кезекті жеңісінен кейін өзінің болашақ қарсыластарына жаңа мәлімдеме жасады, деп хабарлайды kaskelen.kz тілшісі.
15 қазанда Жәнібек Әлімханұлы Германия өкілі Винченцо Гуальтьериді нокаутпен жеңіп, мерзімінен бұрын жеңіске жетті. Осылайша, қазақстандық орта салмақта WBO және IBF әлем чемпионы атанды.
“Мен барлық төрт белбеуді алғанша тойлай алмаймын. Маған WBC және WBA атаулары қажет. Мұны ақпан айында жасайық. Мен өз чемпиондық атағымды қорғауға мүдделі емеспін, маған басқа атақтар қажет. Мен кез-келген чемпионды нокаутқа жіберемін”, – дейді Жәнібек Әлімханұлы.
Біріктіру жекпе-жегіндегі тарихи жеңістен кейін Жәнібек Әлімханұлы Қазақстан президенті Қасым-Жомарт Тоқаевтан құттықтау алды.
Боксшы екітүрлі салмақ дәрежесінде чемпион атағын ұстап тұрған қарсыластарына жолдау жіберді. Олардың біріншісі, WBC чемпионы – американдық Джермалл Чарло (32-0, 22 КО). Ал екіншісі – WBA чемпионы, кубалық спортшы Эрисланди Лара (29-3-3, 17 КО).
