Сәрсенбі, 25 қазан Республика күні Алматы қаласында митинг өтуі керек еді. Яғни билік экстремистік деп таныған “Қазақстанның демократиялық таңдауы” қозғалысы белсенділері бас қосуы тиіс болатын. Митинг қалай өткені туралы Ulysmedia.kz тілшілері жазды, деп хабарлайды kaskelen.kz ақпарат агенттігі.
Әдетте, биліктің әрекетіне наразылар Алматы әкімдігі алдындағы алаңға жиналатын. Мұнда таңертеңнен бастап полиция периметрі бойынша кезекшілікте болды, ал ескерткіш жанында жасақ тұрды. Алайда шеруге шыққан белсенділер байқалмады.
Одан әрі Алматы қаласының орталық мәдениет және демалыс саябағының бас кіреберісіне бардық. Дәл осы жерді ҚДТ наразылық білдірушілер жиналатын орын деп жарияланған.
Айта кетейік, бүкіл саябақта және оның маңайында интернет өшірілген. Әлеуметтік желілер де, браузерлер де қолжетімді емес.
Саябақтың аумағында полиция жасақтары қаптап жүр, ал негізгі кіре берісте 20 шақты формалы офицер және одан да көп азаматтық киімдегі полиция қызметкерлері бар.
Олар кейбір жолаушылардан құжаттары мен келу мақсатын сұрап жатыр. Адамдардың жаңа ғана серуендеуге келгеніне көз жеткізген полиция оларды жіберуде. Алайда түске таман тұтқындау шаралары басталды.
Қазақстандықтардың митингіге шығуына не кедергі болғанын – құқық қорғау органдарының ескертулері ме, әлде ұйымдастырушылардың сенімсіздігі ме, әлі түсіну қиын.
Алайда, Республика күні өңірлер салыстырмалы түрде тыныш.
Ulysmedia.kz сайтының тілшілері жиналатын орын деп аталған алаңда полиция кезекшілік етіп жатқанын, алайда митинг өткізуге ниет білдіргендердің жоқтығын мәлімдеді.
Атырауда күн суық болғандықтан, көшелерде жүргіншілер аз, соған қарамастан тәртіп сақшылары Махамбет алаңын табандылықпен күзетіп отыр. Осыған қарамастан мұнда адамдарға серуендеуге тыйым салынбаған.
Бір күн бұрын Көкшетауда белсенділер Бауыржан Балташев, Қуат Мұхамеджанов және Уәлихан Неғметов 15 тәулікке қамалды. Сондай-ақ Астанада белсенді Марат Мұсабаев босатылған күннің ертеңінде тағы да қамауға алынды. 23 қазанда Ақтөбеде белсенді Ахмет Сәрсенғалиев қамауға алынды. 20 қазанда Орал соты әлеуметтік желіде қазақстандықтарды 25 қазандағы митингке шығуға шақырған жазбасы үшін белсенді Маруа Ескендірованы 10 тәулікке қамауға алды.
Қазанның 17-сі күні ҚР Ішкі істер министрінің орынбасары Игорь Лепеха полицияның Республика күніне орай азаматтарға митинг өткізуге рұқсат бермейтінін айтты. Қазақстан Республикасында тыйым салынған «Қазақстанның демократиялық таңдауы» қозғалысының мүшелері бұл күні наразылық акциясына шығуға шақыруда. Ал 24 қазанда Ішкі істер министрлігі Республика күні қарсаңында қауіпсіздік шараларын күшейтуді ескертті.
