Ол әуелі мансап жолын тәп-тәуір құрып келе жатқан. Елдегі жоғары оқу орындарын үздік тәмәмдаған Қуандық “Болашақ” бағдарламасымен Вашингтонда оқып келіпті, деп хабарлайды kaskelen.kz.
Мансабын қарапайым менеджер болып бастаған Бишімбаев Президент көмекшісіне дейін көтерілген.
2016 жылдың мамыр айында сол кезде Үкіметті басқарған Кәрім Мәсімовтің ұсынысымен Ұлттық экономика министрі қызметіне тағайындалған.
Қуандық Бишімбаев Мәжілістің 2012-2016 жылдар аралығындағы V шақырылым депутаты Уәлихан Бишімбаевтың ұлы еді.
Қуандық 2017 жылдың қаңтарында сыбайлас жемқорлық жасады деген күдікпен ұсталып, 10 жылға сотталды. 2019 жылы 13 ақпанда сотталушы Президент жарлығымен рақымшылыққа ілініп, жазасын өтеу мерзімі 10 жылдан 4 жылға қысқартылған. 2019 жылы 11 қазанда мерзімінен бұрын босап шығып, жазасы жеңілге ауыстырылған.
