Әнші Алтынай Жорабаева әлеуметтік желіде бұған дейін көпке айтпаған құпиясымен бөлісті. Халық әртісі Instagram парақшасында төрт қызын алып, Астанаға қашқан кезін еске алды, деп хабарлайды kaskelen.kz.
Әнші Алтынай Жорабаева 2015 жылдың қазанында желіге “Ер адам Алланың тиымдары шеңберінен шыққанда, әйелінің мінезі шығады”, – деген жазбаны бөліскен.
Ол осы жазбасынан бірнеше ай өткенде қыздарын алып, Астанаға қашқанын ашып айтты.
Сізге ұнауы мүмкін
“Осы жазбаны 2015 жылы қазан айында жазғанмын. Шегіне жетіп, жарылайын деп жүрген кезім. Содан 2016 жылдың қаңтарында 4 қызымды алып, Астанаға қаштым ғой”, – деп жазды Алтынай Жорабаева.
Естеріңізге сала кетейік, Алтынай Жорабаева осыдан бірнеше жыл бұрын бұрынғы жұбайы Сәбит Әбдіхалықовпен ажырасқан болатын. Төрт қызымен қалған әнші 2020 жылы қайта тұрмысқа шықты.
