Жақында Балжан Бидашпен ажырасқан актер Жахан Отарғалиев актриса Анар Батырханға 101 роза сыйлады. Екеуі мейрамханада кездесіп, ас ішкен, деп хабарлайды kaskelen.kz тілшісі.
Видеодан Жахан Отарғалиевтің Анар Батырханға 101 роза гүлін алып, Rolls-Royce көлігімен кездесуге келгенін көруге болады.
“Мені кездесуге шақырып жатыр. Не істесем екен? Дос қызым басымды айналдырды”, – деп жазды Жахан Отарғалиев Instgaram парақшасында.
Ал актерді кездесуге шақырған Анар Батырханның өзі болып шықты. “Сені ертең кешкі асқа шақырамын. Жауап күтем”, – деп жазған Анар Батырхан.
Бұдан кейін Анар Батырхан Instgaram парақшасында кездесуге 101 розамен келген Жахан Отарғалиевті көрсетті.
“Сөзінде тұрды, достар. 1001 роза алдым. Не дейді? Rolls-Royce көлігі… Күнде батл ойнайықшы”, – деп жазды Анар Батырхан.
Актер мен актриса ары қарай мейрамханаға кешкі ас ішуге барған.
Видеода Анар Батырхан кешкі асты төлеу керектігін айтады. Алайда мейрамханадағы кешкі астың ақысын Жахан Отарғалиев төлейді.
“Шот келді. Негізі мен төлеуім керек қой. Жахан – нағыз еркек. Рахмет көп. Ең керемет кешкі ас болды”, – деді Анар Батырхан.
Айта кетейік, Жахан Отарғалиев жақында әнші Балжан Бидашпен ажырасты.
