Шымкентте қызды алып қашу дерегі бойынша ер адам ұсталды, деп хабарлайды kaskelen.kz порталы.
Шымкент прокуратурасының мәліметіне бойынша, 2024 жылдың 16 қаңтарында қаладағы полициясының кезекші бөліміне М.А. есімді азаматша қызын үйлену мақсатында белгісіз ер азаматтың ұрлап кеткені туралы хабарлаған.
“Аталған факт бойынша Қазақстан Республикасының қылмыстық кодекснің 125-бабы 2-бөлігі 1) тармағының негізінде (“Адамды ұрлау”) соталды тергеп-тексеру басталды. Іс барысында Маңғыстау облысының “Г” есімді тұрғыны ұсталып, екі айға қамауға алынды. Тергеп-тексеру кезінде барлық мән-жай анықталады”, – делінген Шымкент прокуратурасының хабарламасында.
Мұндай қылмысты жасағаны үшін кінәлілердің мүлкі тәркіленіп, оларға қатысты жетi жылдан он екi жылға дейiнгi мерзiмге бас бостандығынан айыру жазасы қарастырылуы мүмкін.
“Қазақстан Республикасы Қылмыстық процестік кодексінің 201-бабының талаптарына сәйкес басқа ақпарат жарияланбайды”, –деді прокуратураның баспасөз қызметі.
