Банкоматта қолма-қол ақша алу кезінде құрылғы оны сізге толық бермеуі, бірақ көрсетілген сома есепшотыңыздан шешіліп, ақау туындау мүмкін. Қазір сізге мұндай жағдайда не істеу керектігін айтамыз.
Ақшаны бірден санап алыңыз
Банкоматтан қолма-қол ақшаны алу кезінде қазақстандықтар оларды құрылғыдан алыстамай, сол жерде санауы керек. Себебі, кейде ол соманы толық бермеууі мүмкін: мысалы, 100 000 теңгенің орнына қолыңызда 90 000 теңге болуы ғажап емес.
Ал егер ақша жетіспеушілігі кейінірек анықталса, ақау болғанын дәлелдеу қиынырақ. Сондықтан ақша санауды әдетке айналдырсаңыз, жетіспейтін соманы бірден анықтайсыз.
Қазақстандық банктердің ресми сайттарында мұндай жағдайларда әрекет ету бойынша белгілі бір ұсыныстар берілген. Алайда олардың алгоритмі әртүрлі болуы мүмкін, сондықтан сіз әмбебап және өте маңызды болатын келесі шараларды қабылдауыңыз керек:
- чек алыңыз – оны ақша алу кезінде басып шығаруға немесе мобильді қосымшадан жүктеп алуға болады;
- банкоматтан алыстамаңыз – жетіспеушілік бар екеніне көз жеткізу үшін берілген ақша сомасын сол жерде қайта есептеу керек;
- қолдау қызметіне хабарласыңыз – банкомат тиесілі банкке қоңырау шалып, техникалық ақау туралы хабарлауыңыз қажет;
- қолдау қызметінің нұсқауларын орындаңыз – банкке байланысты оператор мобильді қосымша арқылы немесе жақын жердегі филиалда қайтару өтінішін қалдыруды сұрауы мүмкін.
Әрі қарай, банкомат инкассациясы кезінде “артық” ақшалар есептеледі. Егер олар табылса, өтініш берушіге жетіспейтін ақшасы өтеледі. Өтінішті өңдеу банкке өтініш берген күннен бастап күнтізбелік 30 күннен аспайды.
Егер банкомат соманы толық бермесе, банкоматқа иелік ететін банктің қолдау қызметіне дереу хабарласып, құрылғыдан алыстамауыңыз керек. Оған қоса картадан қолма-қол ақша алу кезінде оны әрқашан санау керек.
