Өзбекстан сиыр етінің бағасы бойынша әлемдегі 127 елдің ішінде 91-орында, деп хабарлайды kaskelen.kz тілшісі ресми Rost24 Тelegram арнасына сілтеме жасап.
Numbeo халықаралық сервисінің мәліметі бойынша, биылғы 7 наурыздағы жағдай бойынша Өзбекстанда бір келі сиыр етінің бағасы 8,1 АҚШ доллары болған. Көрші елдердегі бағалар ұқсас. Сиыр еті Қазақстан, Ресей, Қырғызстан және Тәжікстанда 7 доллардан сәл асады.
Швейцария, Исландия, Оңтүстік Корея, Норвегия және Люксембург сиыр еті ең қымбат бес елдің қатарына кіреді. Тізімде көш бастап тұрған Швейцарияда бір келі еттің бағасы – 44,3 АҚШ доллары. Сонымен қатар Исландияда – 38,7, Оңтүстік Кореяда – 28, Норвегияда – 26,8, Люксембургте 23,9 АҚШ доллары.
Ең арзан ет Кения (4,97), Гана (4,78), Нигерия (4,50), Уганда (12) және Пәкістанда (4,04) сатылады.
Еске сала кетейік, Өзбекстанда ет өнімдері бір жылда 14,4 пайызға қымбаттаған. Осы тауардың тұтыну бағасының индексін Статистика агенттігінің мамандары биылғы ақпан айында тіркеген. Алайда ет түрлерін бөлуде жағдай басқаша: 2024 жылдың ақпан айымен салыстырғанда сүйекті сиыр еті 18,5%-ға, қой еті 19,4%-ға қымбаттады. Құс еті 0,8%-ға төмендеді.
