Талибанның (Қазақстанда тыйым салынған ұйым) деректері бойынша Ауғанстандағы жер сілкінісі салдарынан 1 мыңнан астам адам қаза тапты, деп хабарлайды kaskelen.kz тілшісі.
Мұндай сандармен “Талибан” үкіметі өкілінің орынбасары Билал Карими бөлісті.
“Өкінішке орай, құрбан болғандардың саны өте көп. 1 мыңнан астам адам қаза тапты”.
Associated Press агенттігінің хабарлауынша, Батыс Ауғанстанды дүр сілкіндірген қатты жер сілкінісінен қаза тапқандар саны 2000-нан астам адамға дейін өсті.
Қызыл жарты айдың соңғы мәліметтері бойынша, үлкен жер сілкінісі салдарынан 500 адам қаза тапты.
Зардап шеккендердің саны артуы мүмкін, көптеген адамдар әлі де үйінділердің астында. Түркіменстандағы Ашхабад тұрғындары да дүмпулерді сезінді.
6,2 баллдық күшті жер сілкінісі 7 қазанда Ауғанстанның батысында болды. Алматы сейсмологтарының мәліметінше, жер асты дүмпулері Астана бойынша сағат 13:13-те болған.
