UFC жеңіл салмақтағы чемпионы Ислам Махачев Конор Макгрегормен жекпе-жекке келісті, бірақ өз шарттарын атап өтті, деп хабарлайды kaskelen.kz порталы.
Махачевтің айтуынша, ол бұл кездесуге мұқтаж емес, бірақ жұлдызды ирландиялықпен жекпе-жектен бас тартпайды.
“Егер ол қайтып оралып, 3-4 жекпе-жекте жеңіске жетсе, иә. Әрине, мен бұл жекпе-жекті сұрамаймын, өйткені мен оны лайық деп санамаймын. Ол жеңіс сериясына қайта оралатынына, нағыз үміткерлерді жеңіп, титулға бірінші үміткер бола алатынына аз сенемін. Бірақ егер UFC басшылығы айтса, мен келісемін”, – дейді UFC чемпионы.
Айта кетейік, Абу‑Дабидегі UFC 294 турнирінде Махачев бірінші раундта Австралиялық Александр Волкановскийді нокаутқа жіберіп, жеңіл салмақтағы UFC чемпиондық белбеуін қорғады.
35 жастағы Макгрегорға келетін болсақ, ол өзінің соңғы жекпе-жегін ММА-да 2021 жылдың шілдесінде Дастин Порьеге қарсы өткізді. Ирландиялық техникалық нокаутпен жеңіліп, аяғы сынған.
