“Интер Майами” футбол клубының бас жұлдызы Лионель Месси мен “Аль-Насрдың” шабуылшысы Криштиану Роналду жақында қайта кездеседі, деп хабарлайды kaskelen.kz.
2024 жылдың ақпан айында Сауд Арабияда “Эр-Рияд маусым Кубогы” аясында жолдастық турнир өтеді. Аталмыш жарысқа “Интер Майами” мен “Аль-Наср” командалары қатысады.
Еске сала кетейік, Роналду мен Месси қарсылас ретінде соңғы рет 2023 жылы қаңтар айында кездескен еді. Сол матчта аргентиналық футболшы “ПСЖ” сапында доп тепсе, Криштиану Эр-Рияд қаласының құрамасы сапында ойнады. Жолдастық кездесу 4:5 есебімен париждіктердің пайдасына шешіліп еді.
