Заңнамаға тиісті түзетулерге Өзбекстан президенті Шавкат Мирзиеев қол қойды. Түзетулерге сәйкес, медициналық киімдер, сондай-ақ еңбек және қызметпен байланысты киімдер бұл санатқа жатпайды, деп хабарлайды kaskelen.kz порталы.
“Жеке басын анықтауға мүмкіндік бермейтін дәрежеге дейін жабық киіну айыппұлға әкеп соғады, оның мөлшері 3,3 миллионнан 4,95 миллион сумға дейін (126-дан 189 мың теңгеге дейін)”, – делінген Өзбекстан Әділет министрлігінің хабарламасында.
Сонымен қатар, Өзбекстанда екі немесе одан да көп әйелімен бірге тұруды насихаттағаны, осындай мазмұндағы көзқарастарды, идеяларды немесе үндеулерді таратып, осындай әрекеттерді ынталандырғаны үшін 15 тәулікке дейін айыппұл салынады немесе қамауға алынады.
Естеріңізге сала кетейік, бұған дейін Өзбекстан сенаты көп әйел алуды және бетін жабатын киімдерді насихаттауға тыйым салуды мақұлдаған болатын.
