Шавкат Рахмонов (18-0) енді UFC-де жеңілмеген үздік файтерлер тізімін енді жалғыз бастап тұрмайды. Жартылай жеңіл салмақтағы ресейлік Мовсар Евлоев (18-0) бүгінгі жеңісінен кейін бірінші орынды Шавкатпен бөлісуге мәжбүр, деп хабарлайды kaskelen.kz тілшісі Vesti.kz порталы сілтеме жасап.
Енді 29 жастағы Рахмонов пен Евлоев жеңіліс таппаған UFC файтерлерінің тізімін бастап тұр. Екеуі де кәсіпқой жекпе-жектегі рекордтары 18-0. UFC демеушілігімен Шавкат алты, ал Мовсар сегіз жеңіске жеткен. Дегенмен Шавкат бұл додалардың бәрінде мерзімінен бұрын жеңіске жеткен. Ал Евлоев болса, бұл жеңістерге төрешілер шешімімен қолжеткізген.
Бұл рейтингте үшінші орында тағы бір қазақстандық жеңіл салмақта өнер көрсететін Азат Мақсұм (17-0) тұр. Ол екі аптадан кейін, 4 ақпанда Лас-Вегаста (Невада, АҚШ) Чарльз Джонсонмен (13-6) жұдырықтасады.
Үздік бестікке сонымен қатар ресейлік Умар Нурмагомедов (16-0) пен эквадорлық Майкл Моралес (16-0) кіреді.
