Қазақстандық файтер Шавкат Рахмонов (18-0) сенбі күнгі жеңісінен кейін UFC рейтингінде үшінші орынға көтерілді, деп хабарлайды kaskelen.kz.
Лас-Вегаста өткен UFC 296 турнирінде Рахмонов америкалық Стивен Томпсонды (17-7) мерзімінен бұрын жеңіп, рейтингтегі орнын өзгертті. Ол (18-0) жартылай орта салмақтағы UFC рейтингінде үшінші орынға көтерілді.
Жартылай орта салмақтағы чемпион Леон Эдвардс турнир кестесінде көш бастап тұрса, Рахмонов Гилберт Бернс пен Колби Ковингтонды басып озды.
Айта кетейік, 29 жастағы Шавкат Рахмонов қазір UFC-дегі бірегей рекордқа ие. Ол қатарынан 6 жекпе-жек өткізіп, қарсыластарының барлығын уақытынан бұрын жеңген.
