Израиль билігі ХАМАС-ты шабуыл кезінде әйелдер мен қыздарды зорлап, қинады деп айыптауда, деп хабарлайды kaskelen.kz тілшісі BBC арнасына сілтеме жасап.
Шабуыл кезінде қаза тапқандардың мәйіттерін жинап, зерттеу кезінде оларда зорлық-зомбылық белгілері, жамбас сүйектерінің сынуы, көгеруі байқалған.
Израиль полициясы “Нова” музыка фестиваліне келіп, шабуыл куәгері болған адамдардың бірі топтық зорлау, дене жарақатын салу және өлім жазасына кесу жағдайлары болғанын айтты.
Шабуыл күні жалаңашталған және қанға боялған әйелдердің фотолары тарады. Айтулары бойынша, тек санаулы құрбан ғана бұл жағдайдан кейін тірі қалған.
ХАМАС содырлары әйелді зорлап жатып, басына оқ атып өлтірген. Ал біреуін топпен зорлап, қорлағаннан соң атып тастады дейді.
Куәгерлердің бірі бұл жағдайды видео түсірген. Ол содырлардың қыздардың дене бөліктерін кесіп, мазақ қылғанын айтты.
“Содырлар қыздың омырауын кесіп, оны бір-біріне лақтырып ойнады, содан соң көшеге лақтырып жіберді”, – деді ол.
Фестиваль өтетін жерде болған адам қыздардың айқайын естіп, зорлағандарын білдім дейді.
“Кейбір әйелдер өлім алдында, кейбірі жараланған кезде зорланған. Ал кейбіреулерін лаңкестер өлген кезде зорлаған. Мен оларға көмектескім келді, бірақ ештеңе істей алмадым”, – дейді куәгер.
Полиция зорлық-зомбылық құрбандарының нақты санын анықтай алмайтынын мәлімдеді. Бұған қоса тірі қалған құрбандар тілдесуден бас тартыпты.
Бірақ ХАМАС Израильдің айыбын жоққа шығарды.
Израиль әйелдердің мүмкіндіктерін кеңейту министрі Мэй Голан зорлық-зомбылық құрбандарының бірнешеуі аман қалғанын және олардың барлығы қазір психиатриялық ем алып жатқанын хабарлады. Оның сөзінше, олар мүлдем сөйлеуге құлықсыз, жақындарымен де сөйлесе алмай қалған.
Доктор Элкаям-Леви басқарған азаматтық комиссия 7 қазанда болған оқиғаның адамзатқа қарсы қылмысқа тең жүйелі зорлық-зомбылық екенін халықаралық мойындауға шақырды. Ол мұны геноцид деп тануды сұрады.
