Балалар алаңсыз ойнайтын орын жоқ. Ауладағы әткеншектер мен сырғанақтар адам көргісіз жағдайда. Әкімдік бұл мәселеге қашан көңіл бөледі деп редакциямызға хабарласатындардың қатары көп. Жергілікті атқарушы органдардан қандай да бір жауап алмас бұрын жағдайды өз көзімізбен көруді жөн санадық. Бағытымыз - Қаскелең қаласындағы Төле би көшесінің бойындағы көпқабатты тұрғын үйлер. Шынымен, ойын алаңдарының сиқы кеткен. Орындықтар сынған, сырғанақтар қираған. Айналасы қоқысқа, әбден өсіп, қираған шөптерге толы.
