17 жылға сырттай сотталған Бергей Рысқалиев Лондонда жүр

Главные вкладки

апр 06, 2019 / 0 комментарии

Желіде халықаралық іздеу салынған Атырау облысының бұрынғы әкімі Лондон көшелерінде емін-еркін жүргені жайлы видео таралып жатыр.

Экс-әкімге ұйымдасқан қылмыстық топ құрды, мемлекет қаржысын жымқырды, біреудің мүлкін заңсыз иемденді және тағы басқа да айыптар тағылған.

Бұрынғы шенеуніктің Ұлыбритания астанасының көшесінде емін-еркін жүрген видеосын саясаттанушы Ербол Еділовтің Instagram желісіндегі пеке парақшасына жүктеген.

Айта кетейік, 2019 жылдың қаңтарында Атырау облысының бұрынғы әкімі Бергей Рысқалиев пен оның ағасы, экс-депутат Аманжан Рысқалиевке қатысты сот үкімі шыққан. Экс-әкім 17 жылға, оның ағасы 16 жылға бас бостандығынан айырылған, әрі олардың мемлекетке келтірілген шығыны 72 миллиард теңгеге бағаланған. Бергей Рысқалиев пен Аманжан Рысқалиев 2012 жылы елден шығып кеткен. Оларға халықаралық іздеу жарияланған.