Алматы облысында жұмыссыздық деңгейі – 4,6 пайыз, ал әйелдер арасындағы көрсеткіш 6 пайызды құрайды. Аталған мәселені шешу мақсатында бірқатар шаралар қолға алынған. Бұл туралы облыстық жұмыспен қамтуды үйлестіру және әлеуметтік бағдарламалар басқармасының басшысы Айгүл Ахметова айтты, деп хабарлайды kaskelen.kz тілшісі.
Ақпаратқа сәйкес, мансап орталықтары (бұрынғы жұмыспен қамту орталықтары) арқылы жыл басынан тұрақты қызметке 4135 әйел орналасқан. Сондай-ақ:
- қоғамдық жұмысқа 3886,
- жастар практикасына 252,
- әлеуметтік жұмыс орындарына 301,
- алғашқы жұмыс орны жобасына 262,
- күміс жас жобасына 492,
- қысқа мерзімді оқытуға 229 әйел тартылған.
“Бизнес идеяларын іске асыру үшін 400 АЕК көлемінде 149 әйел грант алып, кәсібін ашты. Ал “Жастарға 2,5%-бен шағын несие беру” жобасы аясында 95 әйел 5 миллион теңгеге дейін кредит алды. Әйелдер қауымы көбіне мал шаруашылығы, нан-тоқаш өнімдерін, киім-кешек бұйымдарын өндіру, бау-бақшамен айналысу, сабын, жуғыш заттар шығару үшін шағын несиеге өтінім берген”, – деді Айгүл Ахметова.
Басқарма басшысының мәліметінше, отбасылық жанжалдарды шешу және балалы әйелдерге уақытша мекен беру орталықтарын ашу мәселесі де қарастылып жатыр. Осы бағытта “Жанұя” орталықтары Еңбекшіқазақ, Қарасай, Талғар аудандарында ашылған.
Орталыққа:
- 1500-ден астам адам тіркелді;
- 388 әйелге ақпараттық-ресурстық қолдау көрсетілді;
- 181 адамға құқықтық-әдістемелік көмек көрсетілді;
- 100 адам базалық тренингтерден өтті;
- 31 адам оқыту курсынан өтті.
