Алматы облысының прокурорлары рұқсаты жоқ көппәтерлі 19 тұрғын үйді анықтады, деп хабарлайды kaskelen.kz ақпараттық порталы облыстық прокуратураға сілтеме жасап.
“Қонаев қаласы мен Қарасай, Талғар аудандарында 19 көппәтерлі тұрғын үйдің бастапқы материалдары кері қайтарылды, яғни құрылыс басталғанға дейін процесс тоқтатылды. Құрылыс салушылар әкімшілік жауапкершілікке тартылды”, – дейді ведомство.
Тіпті құрылыс салушылардың Қаскелең қаласындағы өзен арнасын заңсыз өзгертіп, “Orda Town” көппәтерлі тұрғын үй құрылысын бастаған.
Қазіргі күні құрылысты бұзу мәселесі қаралып жатыр.
“Ал Талғар ауданында құрылысқа рұқсат құжаттары жоқ 21 коммерциялық нысан анықталды. Бесағаш кентінде Алматы-Қорғас негізгі тас жолының бойында жеке тұлға сауда орталығының құрылысын бастаған”, – дейді прокуратруа.
Құрылыс фактілері бойынша облыстың 3 ауданының және Қонаев қаласының 26 құрылыс салушысы 9 млн теңгеден астам айыппұл төледі.
