Бүгін Мәжілісте «Халықтың шамадан тыс несие алуын азайту және қаржылық сауаттылықты арттыру» тақырыбында Парламент тыңдауы өтті.
Жиында «Қарызсыз қоғам» жобасының Түркістан облысы бойынша қаржылық сарапшысы Мақпал Ғабдул сөз сөйледі.
Ол халық несиесін жапқаннан кейін қайта қарыз алуды әдетке айналдырғанын атап өтті.
Осы тұста Мақсат Толықбай оның сөзін бөліп қалды. Ал Мәжіліс төрағасы Ерлан Қошанов депутатқа ескерту жасады.
«Мақпал елдің ортасынан келіп, қиын жағдайға түскен адамдармен жұмыс істеген маман. Мақсат Толықбай, қатысып отырсыз ба? Сөйлеп жатыр ғой. Асығып отырсаңыз, бара беруіңізге болады», – деді ол.
