Абылай Мырзахметовты қамауға алу 10 желтоқсанға дейін созылды, деп хабарлайды kaskelen.kz.
“Астана қаласының мамандандырылған ауданаралық тергеу соты 31 қазанда күдікті А.Мырзахметовке қатысты қамауға алу түріндегі бұлтартпау шарасын 10 желтоқсанына дейін ұзартуға санкция бергенін хабарлаймыз”, – делінген Астана сотының баспасөз қызметінде.
Еске сала кетейік, Абылай Мырзахметов 12 мамырда қамауға алынды. Мырзахметов туысын қылмыстық жауапкершіліктен босатуға көмектесіп, кәсіпкерді аса ірі көлемде пара беруге итермеледі және алаяқтық жасады деген күдікке ілінген. Одан бөлек 21 қарашада экс-вице-министр Нұржан Әлтаев Абылай Мырзахметовтен делдал арқылы жалпы 50 миллион теңгеден астам ақшаны пара ретінде алғаны үшін 10 жылға бас бостандығынан айырылды.
