Ерке Есмахан осыдан бірнеше күн бұрын қалыңдық көйлегіндегі суретін көпшілікке бөлісті. Алайда әнші жұбайы Раим екеуінің той жасамайтынын айтты, деп хабарлайды kaskelen.kz.
Желі қолданушысының бірі әншіден “Суретті көріп, қуанып кеттім. Үйлену той қашан болады?”, – деп сұраған. Ал Ерке Есмахан күйеуі екеуінің той жасамауға шешім қабылдағанын айтты.
“Той жасамаймыз деп шештік. Отбасының бақыты дүркіретіп той жасағанға немесе жасамағанға қарамайды екен. Алла бұйыртса, жанұямыздағы басқа тойларды жасауға дайынбыз”, – деп жазды Ерке Есмахан.
Айта кетейік, Ерке Есмахан мен Раим жаңа фотосессияны ел назарына ұсынған болатын. Жұлдызды жұп биылғы жылы шаңырақ көтерді.
