16 тамызда таңғы сағат 9.45-те 21 жастағы қарағандылық пен оның бір айлық қызының үстіне автобустың бүйір терезесі құлаған, деп хабарлайды Kaskelen.kz
Әйел №5 автобуспен Майқұдықтан Оңтүстік-шығысқа қарай бара жатқан. Оқиға Достық үйі ауданында болды.
Оқиға куәгерінің басылымға айтуынша, әйнек еш себепсіз өздігінен құлап кеткен: апат болған жоқ, ешкім тас лақтырған жоқ – ол жай ғана жолаушылардың басына опырылып түскен.
Қуанышқа орай, сәбидің беті көрпемен жабылғандықтан, ол зардап шекпеген. Жас ананың өзі шашынан шыны кесектерін алып, қолын жарақаттап алған.
«Қызыммен бірге терезенің алдында отырған едім. Баланың беті жабық болғаны жақсы болды. Оның бетіне шыны сынықтары құлайтын еді. Жамылғысы сынықтарға толып қалды. Басымнан да қаншамасын алдым», – деді зардап шеккен әйел.
№ 3 автопаркі оқиғаның мән-жайын анықтап жатқанын хабарлады.
