Алматы облысына қарасты Қарасай ауданында мектеп оқушысы өзіне өзі қол жұмсады. Оқиға 2-ші тамыз күні орын алды, деп жазады kaskelen.kz тілшісі.
Алматы облыстық полиция департаментінің мәліметінше, 2-ші тамыз күні Қарасай ауданы ПБ кезекші бөліміне кәмелетке толмаған жасөспірім суицид жасағаны туралы хабарлама түскен.
“10.05.2007 жылғы А. есімді кәмелетке толмаған жасөспірім өз үйінде асылып өлгені туралы хабарлама келіп түскенін хабарлаймыз”, – делінген хабарламада.
Аталған дерек бойынша Қарасай ауданының ПБ -де ҚР ҚК 105-бабының 1-бөлігі негізінде сотқа дейінгі тергеу басталды.
Қазіргі уақытта іс жүзінде сот-медициналық сараптама тағайындаумен барлық қажетті тергеу шаралары жүргізілуде.
Еске салсақ, жыл басынан бері Қарасай ауданында жасөспірімдер арасында бірнеше суицид оқиғасы тіркелді. Атап айтсақ, қаңтар және наурыз айларында Қосынов орта мектебінде екі суицид оқиғасы тіркелсе, қаңтар айында Қарасай мектебінің бір оқушысы өзіне қол салған.
Сондай-ақ Алмалыбақ, Бейсебаев орта мектебінде де өз өмірін қимақ болған балалар аман қалды. Ал Байсалбаев орта мектебінің оқушысы өмірмен қош айтысты.
