Қазақ-қырғыз шекарасында жүк көліктерінің кептелісі бірнеше шақырымға жетті деп хабарлайды Kaskelen.kz
Оған себеп – төрт бірдей бақылау-өткізу пунктінде кешеден бері салық төлейтін автоманттандырылған ақпараттық жүйе істен шыққан.
“Шығынға баттық” деп шырылдаған тасымалдаушылар дереу мәселені шешуді талап етуде. Жалпы, айырқалпақ көршімізбен арада “Ақ-тілек “, “Чон-капка”, “Чалдыбар”, “Ақ-Жол” бақылау-өткізу пункті бар. Қазір барлығында иін тірескен қалың көлік нөпірін байқауға болады.
Жүргізушілер ұзын-сонар кезектегі көлікті видеоға түсіріп, әлеуметтік желіге жариялауда. Қырғыз тарапы жүк тасымалдаушыларына түсіндіру жұмыстарын жүргізіп жатыр.
