Осыдан бірнеше күн бұрын экс-президент Нұрсұлтан Назарбаевтың інісі Болат Назарбаев қайтыс болды. Тұңғыш президент Instagram парақшасында інісінің қазасына байланысты берілген астан фото жариялады, деп хабарлайды kaskelen.kz.
Ас беруге ҰҚК экс-басшысы Нұртай Абықаев, Ермұхамет Ертісбаев, Бауыржан Байбектің әкесі Байбек Қыдырғали, Алматының экс-әкімі Ахметжан Есімов, ШҚО әкімі Ермек Көшербаев, Түркістан облысының бұрынғы әкімі Өмірзақ Шөкеев, Әнипа Назарбаева, Дариға Назарбаева және тағы басқалар қатысқан.
“Отбасымыз үшін қиын күнде президент Қасым-Жомарт Тоқаев көңіл айтты, бірқатар мемлекет басшылары, саяси және қоғам қайраткерлері, сондай-ақ, Қазақстан азаматтары жанашырлығын көрсетіп, қолдау білдірді. Барлығына шын жүректен ризамын”, – деді Назарбаев.
Тұңғыш президенттің інісі Болат Назарбаев 71 жасында көз жұмды. Айта кетейік, 13 қарашада БАҚ беттерінде Болат Назарбаевтың қайтыс болғаны жайлы ақпарат тарады.
Кешірек экс-президенттің баспасөз хатшысы Айдос Үкібай әлеуметтік желісінде Нұрсұлтан Назарбаевтың інісі Болат Назарбаев қайтыс болғанын растады.
