Шымкент қаласының әкімі болып Ғабит Сыздықбеков тағайындалды. Тиісті жарлыққа мемлекет басшысы қол қойды, деп хабарлайды Ақорда Telegram-дағы ресми арнасында.
“Мемлекет басшысының Жарлығымен Ғабит Әбдімажитұлы Сыздықбеков Шымкент қаласының әкімі лауазымына тағайындалды”, – делінген хабарламада.
Премьер-министрдің ресми сайтындағы мәліметке сүйенсек, Ғабит Сыздықбеков 1980 жылы Шымкент қаласында дүниеге келген. Қазақ мемлекеттік заң университетін, РФ СІМ Дипломатиялық академиясын бітірген.
- Еңбек жолын 2004 жылы СІМ Мемлекеттік протокол қызметінің атташесі қызметінен бастаған.
- 2005-2006 жылдары СІМ Мемлекеттік протокол қызметінің үшінші хатшысы;
- ҚР СІМ Еуропа және Америка департаментінің үшінші хатшысы;
- 2006-2007 жылдары СІМ Кеңсесі баспасөз қызметінің үшінші хатшысы; екінші хатшысы.;
- 2007-2011 жылдары сенаттың аппаратында түрлі лауазымдарды атқарған;
- 2011-2012 жылдары СІМ Азия және Африка департаментінің басқарма басшысы.
- 2012-2017 жылдары Франция Республикасындағы Қазақстан Республикасы Елшілігінің кеңесшісі;
- 2017 жылғы тамызда СІМ Әкімшілік және бақылау департаментінің кеңесшісі;
- 2017-2019 жылдары сенат төрағасының кеңесшісі;
- сенат аппаратының Халықаралық қатынастар, қорғаныс және қауіпсіздік комитетімен өзара іс-қимыл бөлімінің меңгерушісі;
- 2019 жылғы мамырдан бастап қыркүйекке дейін – ҚР СІМ Ерекше тапсырмалар жөніндегі елшісі;
- 2019 жылғы қыркүйектен бастап қазіргі таңға дейін Қазақстан Республикасының Сербия Республикасындағы Төтенше және Өкілетті елшісі қызметін атқарды.
