Шымкентте 4 тамыз күні жоғалып, бірнеше күннен бері іздеуде болған 18 жасар бойжеткен өлі күйінде табылды , деп хабарлайды Kaskelen.kz
Бойжеткен әпкесінің үйіндегі жертөледен табылған.
5 тамыз күні Әл-Фараби аудандық полиция бөліміне жас қыздың жоғалғаны туралы хабарлама түскен болатын. Ағасының айтуынша, 2004 жылғы студент 4 тамыз күні үйден белгісіз бағытқа шығып кетіп қайта оралмаған.
Ведомство ұсынған мәліметтерге сай, оқуына байланысты уақытша әпкесінің үйінде тұрған Түркістан облысының тумасының денесінен зорлық белгілері анықталған.
8 тамыз түнгі сағат 01:30 шамасында Әл-Фараби аудандық полиция бөліміне туыстары үйдің жертөлесінен жоғалған қыздың өлі мәйітін тапқаны туралы хабарлады. Оқиға орнына барған жедел тергеу тобы жертөледен төсек жаймасына оралған, денесінде зорлық белгілері бар мүрдені анықтады. Бойжеткенді жездесі өлтірді деген күдікке ілінді.
“ҚР ҚК 99-бабы “Адам өлтіру” бойынша сотқа дейінгі тергеу амалдары жүргізіліп жатыр. Қажетті сараптамалар тағайындалды. Күдікті уақытша ұстау изоляторына қамалды. Өзге ақпарат ҚР ҚПК-нің 201-бабына сәйкес тергеу мүддесінде жариялауға жатпайды” – делінген хабарламада.
