Балалар туған күні мен мерекелік кештерін қызықты өткізудің бір жолы — аниматор қызметіне жүгіну. Қазақстанның түрлі қалаларында аниматорлар түрлі кейіпкерлер мен ойын-сауық бағдарламаларын ұсынып отыр.
Қай кейіпкерді шақыруға болады?
Қазақстандағы аниматорлар балалар арасында танымал кейіпкерлерді таңдауға мүмкіндік береді. Кейіпкерлер тізімі үнемі жаңарып отырады.
Мәселен, қазіргі кезде Хаги-Ваги, Маша мен аюды сирек кездестіреміз, есесіне Соник, Құтқарушы патруль, Үш мысық жиі ұшырасады. Тіпті Кальмар ойыны, Уэнсдей костюмі де бар.
Сонымен қатар, Гарри Поттер, Трансформер, Эльза сияқты кейіпкерлер сәннен қалмайтын таңдаулар қатарында. Ата-аналар кейіпкерді таңдағанда костюм сапасына мән беруі тиіс. Өйткені:
Кейде «Арзанның суы татымастың» кері келіп, кейіпкер костюмі көңіл қалдырып жатады.
Аниматорлар не ұсынады?
Аниматор қызметінің ауқымы кең. Ең көп таралғаны — бір аниматордың 50 минуттан 1,5 сағатқа дейінгі бағдарламасы. Қызметке бір емес, бірнеше аниматор шақыртсаңыз, кеш әсерлі өтеді, бірақ:
Ақысы екі есе қымбаттап, орта есеппен 5 000-10 000 теңгеге шығады.
Қосымша қызметтерге би, лазерлік шоу, көбікті кеш, аквагрим және арнайы сценарийлер жатады. Олар жеке ақы арқылы ұсынылады немесе кейде жалпы бағдарлама құрамына енеді.
Ең қымбат әрі көлемді қызмет — бірнеше кейіпкермен ұйымдастырылатын шоу бағдарлама. Бұл формат 3-4 сағатқа дейін жалғасып, арнайы дайындалған ойын алаңында өтеді. Мұндайда балалар ойыннан бөлек тамақтану аймағына да ие болады.
Қай қалада қызмет арзанырақ?
Қазақстанда аниматор қызметінің бағасы өңірге қарай қатты өзгереді. Ең арзаны мен ең қымбаты арасындағы айырмашылық — 150 000 теңгеге дейін.
Ең арзаны:
-
Тараз: 4 000 – 33 000 теңге
-
Петропавл, Көкшетау: 5 000 – 20 000 теңге
-
Қостанай, Қызылорда: 6 000 теңгеден басталады
-
Орал: 7 000 – 35 000 теңге
Орташа баға:
-
Шымкент, Қарағанды, Жезқазған, Семей, Алматы: 10 000 – 150 000 теңге
Қымбат өңірлер:
-
Павлодар, Ақтөбе, Астана: кем дегенде 15 000 теңге
Павлодарда толық бағдарлама — 75 000 теңге, Астанада — 183 000 теңге
-
Өскемен: 16 000 теңгеден басталады
-
Ақтау: 20 000 – 80 000 теңге
-
Атырау: 25 000 – 45 000 теңге
-
Түркістан: ең төменгі баға — 26 000 теңге
Айта кетелік, еліміздің қалаларында бұл қызмет кең тарай қоймаған. Бәсекелестіктің аз болуы бағаға да әсер етеді.
