Магистратураға түсу үшін кешенді тестілеуді 40 мың үміткер тапсырды. Оқуға түсушілердің 41%-ы шекті балл жинады. Орташа көрсеткіш – 70 балл. Ең жоғары балл – 136, деп хабарлайды kaskelen.kz тілшісі ҚР Ғылым және жоғары білім министрлігінің баспасөз қызметіне сілтеме жасап.
Тестілеу нәтижелері бойынша ережелерді бұзғаны үшін 281 қатысушының нәтижелері жойылды. Оның ішінде 189 оқуға түсуші смартфондарды, шпаргалкаларды және басқа да тыйым салынған заттарды алып өтуге тырысқаны үшін тестілеуге жіберілмеді. Тестілеу кезінде ережелерді бұзғаны үшін аудиториядан 89 адам алынып тасталды, олардың нәтижелері де жойылды. Үш деңгейлі прокторинг жүйесінің арқасында 2 бөгде адам тіркелді. Сондай-ақ, тестілеудің бейнежазбаларын тексеру нәтижелері бойынша 1 адамның ұпайлары жойылды.
Биыл магистратурада оқу үшін 13 мыңнан астам грант бөлінді. Гранттар конкурсына құжаттарды қабылдау ертең, 11 тамызда басталады.
