Облыстық полицияның мәліметінше, ағымдағы жылдың 11 айында жаяу жүргіншілер 806 жол-көлік оқиғасына ұшыраған. Онда 1022 адам жарақат алып, 47 адам қаза тапты, деп хабарлайды kaskelen.kz порталы.
– Басты ереже – жолды белгіленген жерден кесіп өту қажет. Бұл жол апатына тап болудың қаупін азайтады. Қараңғы түскенде жарық шағылыстыратын элементтерді қолдану қажет. Бұл көлік жүргізушілеріне жаяу жүргіншілерді байқауға мүмкіндік береді, – деп хабарлады департаменттен.
Естеріңізге сала кетейік, бұған дейін Алматы облысында белгісіз жерден өтіп бара жатқан жаяу жүргінші жол апатынан қаза тапқан.
