Дәрілер мен букмекерлік компаниялардың жарнамасына тыйым салу жобасынан соң қазақстандық медиа нарықтың дамуы тұралап қалу қаупі бар. Қазақстанның жетекші телеарналары кіретін Орталық Азия жарнама қауымдастығының мүшелері президент Қасым-Жомарт Тоқаевқа үндеу жазды, деп хабарлайды kaskelen.kz тілшісі 31-арнаның Информбюро жаңалықтар бағдарламасына сілтеме жасап.
Президент Қасым-Жомарт Тоқаевқа жолдаған үндеуге Орталық Азия жарнама қауымдастығының барлық мүшесі қол қойды. Бұл ұйымға еліміздің ірі телеарналары – КТК, Еуразия бірінші арнасы және т.б кіреді. Медиа-индустрия өкілдері букмекерлік компаниялар мен рецептсіз сатылатын дәрі-дәрмектерді жарнамалауға ішінара ғана шектеулер енгізуді ұсынып отыр. Себебі жарнамаға толық тыйым салу миллиардтаған доллар шығынға әкеледі. Бұқаралық ақпарат құралдары нарығының табысы үштен біріне қысқарады. Сапалы тележобаларды шығаруға ақша болмайды.
“Олар енгізгісі келетін шектеулер, біздің ойымызша, қоғамға пайдалы жағынан мүлдем дұрыс бағаланбайды. Сондықтан біз сарапшылар мен медиа саласының мамандарын талқылауға шақырғымыз келеді. Шектеулердің пайдасын және олардың келтіретін зиянын таразылау керек”, – деді Орталық Азия жарнама қауымдастығының атқарушы директоры Анна Тюткова.
Сарапшылар жасөспірімдерге әсер етпеу үшін түнде жарнамаға толық тыйым салуды ұсынып отыр. Табысқа бірден кенелу немесе емделіп кету ақпараттарды шығармауды сұрайды.
“Бұл тұтыну көлеміне әсер ете ме? Жоқ, бұл қайта мән беруге әсер етеді. Олар фармацевтердің жарнамасына тыйым салуды айтып отыр. Фармацевтердің теледидарға жұмсаған осыншама ақшасы қайда кетеді? Енді олар интернетке жарнама береді немесе дәріханаға орналастырады. Дәріханадан теледидарда талай рет тексерілген, денсаулық сақтау министрлігі мен тиісті ведомстволар тексерген жарнаманы көрмейсіз. Ал сатушы “мына дәрі жақсы, ал анау жақсы емес” дейді. Дәрігерлердің өзі “жаман ба, жақсы ма, айту қиын” дей салады”, – деді “VI Kazakhstan” ЖШС бас директоры Илмурад Жұмаев.
CARA сараптамалық кеңесінің мәліметіне сүйенсек, букмекерлік компаниялар мен рецептсіз сатылатын дәрі-дәрмектерді жарнамалауға толық тыйым салынған жағдайда нарық жылына 25 миллиард теңгеге дейін шығынға ұшырайды. Бұл сөзсіз бүкіл медиа нарықтың тоқырауына әкеледі.
