Елімізде жұмысы жоқ ретінде ресми тіркелген адам ғана «жұмыссыз» саналады, деп хабарлайды kaskelen.kz тілшісі.
– 2024 жылдың 4 тоқсанының қорытындысы бойынша ресми 448 мың жұмыссыз адам есепте тұр. Өңірлерге келсек, ең көп жұмыссыздық Түркістан облысы, Астана қаласы, Алматы қаласы тағы басқа өңірлер бар, – деп қысқа қайырды Еңбек және халықты еңбекпен қамту министрлігінің Халықты жұмыспен қамту департаментінің директоры Азиз Ибрагимов орталық коммуникациялар қызметі алаңында өткен баспасөз мәслихатында.
Оның сөзінше, елімізде жұмыссыз ретінде тіркелген азаматтардан бөлек, тіркелмей жұмыссыз жүрген азаматтар да бар.
Еске сала кетейік, бұған дейін Еңбек вице-министріне БАҚ өкілдері неліктен Финляндия немесе Францияда жұмыссыздық деңгейі 8 пайыздан жоғары, ал бізде 4,6 пайыз Қазақстанда расымен жұмыссыздық деңгейі төмен бе деген сауал қойған еді.
Былтыр елімізде 714 мың адам тұрақты жұмыспен қамтылған.
Айта кетсек, 2031 жылға қарай елімізде 1,6 млн кадр қажет.
