2 желтоқсанда Гамбургтегі Эльбфилармония қабырғасында футболдан 2024 жылғы Еуропа чемпионатының финалдық бөлігінің жеребе тарту рәсімі өтті, деп хабарлайды kaskelen.kz порталы Vesti.kz сайтына сілтеме жасап.
Еуропа біріншілігі 2024 жылы Германияда өтпек. Егер Қазақстан құрамасы жолдама алса, Португалия, Түркия және Чехия құрамалары бар F тобында өнер көрсетеді.
Қазақстан құрамасының Еуро-2024-ке Ұлттар лигасының плей-офф кезеңі арқылы өту мүмкіндігі бар. Германия жолдамаға ұтыс ойыны келесі жылдың наурыз айында өтеді. Қазақстан турнирдің С бөлімінде өнер көрсетеді. 1/2 финалда ұлттық құрама сырт алаңда Грекиямен ойнайды. Финалға шығу үшін гректерді жеңіп, Грузия-Люксембург командаларының жеңімпазымен кездеседі.
Топтардың толық құрамы төмендегідей:
А тобы: Германия, Шотландия, Венгрия, Швейцария
В тобы: Испания, Хорватия, Италия, Албания
С тобы: Словения, Дания, Сербия, Англия
D тобы: А жолының жеңімпазы, Нидерланды, Австрия, Франция
Е тобы: Бельгия, Словакия, Румыния, В жолының жеңімпазы
F тобы: Түркия, C жолының жеңімпазы, Португалия, Чехия.
