Алматыда грек-рим күресінен әлем бойынша вице-чемпионы Алмат Кебіспаев ер адамды соққыға жықты деп күдікке ілінді деп хабарлайды Kaskelen.kz
Әлеуметтік желіде 35 жастағы Алмат Кебіспаев Алматыда балалар дауласып қалғаннан кейін ер адамды ұрғаны туралы ақпарат тарады.
Оқиға 6 қыркүйекте «Атакент» орталығында болған. Зардап шекен адамның қызы сол күні туған күнін атап өтіп жатқан. Ол жақта қызынан бөлек тағы 4 баласы болыпты.
Сауда орталығында алматылықты күресшінің ұрып-соққаны бейнежазбаға түсіп қалған.
Алматы полиция департаментіне 6 қыркүйекте Бостандық ауданының полиция басқармасына 37 жастағы ер адам 36 жастағы ер адамға дене жарақатын келтіргені келіп түсті. Айтуларынша, балаларының арасындағы түсініспеушілік кикілжіңге себеп болған.
“Бұл факт ӘҚБтК-нің 73-1-бабы, 1-бөлігі “Денсаулыққа қасақана жеңіл зиян келтіру” бойынша тіркелген. М.-ның дене жарақаттарының ауырлық дәрежесін анықтау мақсатында сот-медициналық сараптама тағайындалды. Сараптамалық зерттеу қорытындысын алғаннан кейін материал Алматы қаласы бойынша СМАС-қа жіберіледі”, – деп хабарлады полиция.
