Назарбаев университеті жанындағы ақылды жүйелер және жасанды интеллект институты (ISSAI) қазақ тілінің ауқымды моделін (KAZ LLM) дайындап жатыр, деп хабарлайды kaskelen.kz порталы.
«Бұл жобаға бюджеттен қаржы бөлінбейді, демеушілік қаражат есебінен жүзеге асырылып жатыр. «KAZ-LLM» жобасы жыл соңына дейін қажетті материалдық ресурстармен және есептеу қуаттарымен қамтылған», – деді Жасанды интеллект комитетінің төрағасы Ғиззат Байтұрсынов Орталық коммуникациялар қызметі алаңында өткен баспасөз мәслихатында.
Оның сөзінше, аталған жобаға екі демеуші инвестиция құйған.
Еске сала кетейік, елімізде «KAZ-LLM» атты қазақ тілін жасанды интеллект арқылы дамытудың моделі әзірленіп жатыр.
