Наурыз айының соңында елімізде киім-кешек бағасы 1 жылда орта есеппен 10 пайызға өсті. Әсіресе балалар киімі 11 пайызға қымбаттады, деп хабарлайды kaskelen.kz порталы.
Өткен жылы сарапшылар Қазақстанда киім-кешекке жұмсалатын қаржының өскенін тіркеді. Ол кезде бұл құбылыс тауарлар бағасының өсуімен емес, сұраныстың төмендеуімен байланысты болды. Өйткені көптеген отбасы киім сатып алу үшін қолайлы уақытты күтті.
Биылғы жылы да қазақстандықтардың шығыстары артады деп күтуге болады, өйткені киім бағасы айтарлықтай өсті. EnergyProm порталының мәліметіне сәйкес, наурыз айында жалпы ел бойынша бағаның өсуі бір жыл ішінде 10 пайызды құрады:
- ерлер киімі 9,1 пайызға қымбаттады;
- әйелдер киімі – 10,4 пайызға;
- балалар киімі – 11 пайызға.
Ұлытау облысында бағаның қатты өсуі тіркелді – жылына 15,7 пайызға, ал Жетісу облысында бағаның өсуі ең әлсіз – 2,5 пайыз ғана болды. Астанада баға бір жылда 12,9 пайызға, Шымкентте 10,3 пайызға, Алматыда 8 пайызға өсті.
Жеке санаттарға бөліп қарайтын болсақ, балалар киімінің ішіндегі бағасы ең жоғары – мектеп жасындағы балаларға арналған күртешенің 15,1 пайызға өскені белгілі болды. Мектеп жасындағы балаларға арналған костюмдер мен балалар жемпірінің де бағасы айтарлықтай өсті – әр санат бойынша 14,9 пайызға.
Өңірлік бөліністе балалар киімі Павлодар, Ақмола және Жамбыл облыстарында айтарлықтай өсті: сәйкесінше 33,4 пайызға, 18,5 пайызға және 15,2 пайызға.
