Ұлттық статистика бюросы еліміздегі 2025 жылдың қаңтар айындағы баға индексі мен тұрғын үй құны туралы мәліметтерді жариялады, деп хабарлайды kaskelen.kz тілшісі.
Мәліметтерге сәйкес, елімізде жаңа тұрғын үйдің орташа бағасы бір шаршы метріне 499 983 теңгені құрады.
Тұрғын үйге ең қымбат қалалар – Алматы, Астана және Атырау. 1 шаршы метрдің Құны Алматыда – 582 175 теңге, Астанада – 581 258 теңге, Атырауда-484 934 теңге.
Жаңа тұрғын үй бағасы қолжетімді қалаларға Орал, Ақтөбе және Көкшетау кіреді. Оралда жаңа тұрғын үйдің 1 шаршы метрі – 284 136 теңге, Ақтөбеде 288 203 теңге тұрады. Ал Көкшетауда бұл одан да арзан. 1 шаршы метрдің құны – 325 149 теңге.
Ал елдегі қайталама нарықтағы тұрғын үйдің орташа бағасы 1 шаршы метріне 526 788 теңгені құрайды.
Ең қымбат пәтерлер Астанада орналасқан, онда 1 шаршы метрдің бағасы 659 092 теңгеге жетеді. Алматыда бұл көрсеткіш біршама төмен – 597 427 теңге, ал Атырауда 1 шаршы метрдің құны 477 063 теңгені құрайды.
Қолжетімді баспана іздейтіндер үшін Қызылорда, Ақтөбе және Көкшетау ең тиімді нұсқалар болып табылады. Бұл қалаларда тұрғын үй бағасы айтарлықтай төмен: Қызылорда – 310 996 теңге, Ақтөбе – 323 746 теңге, Көкшетау – 324 069 теңге.
Қазақстанда жайлы тұрғын үйді жалға алудың орташа бағасы 1 шаршы метріне 4 533 теңгені құрайды.
Жалға алудың ең жоғары бағасы Алматыда тіркелген. Онда 1 шаршы метрдің құны 5453 теңгеге жетеді. Астанада бұл көрсеткіш 5129 теңгені, Қарағандыда 4 349 теңгені құрайды.
Ең қолжетімді жалдау бағасы Тараз, Түркістан және Павлодар қалаларында байқалады. Таразда 1 шаршы метрді жалға алу құны – 2177 теңге, Түркістанда – 2593 теңге, Павлодарда – 2601 теңге.
“2024 жылдың қаңтарынан 2025 жылдың қаңтарына дейін елдегі тұрғын үй бағасы айтарлықтай өсті. Қайталама (екінші нарықтағы) тұрғын үйлердің бағасы орта есеппен 6,1% қымбаттады. Жаңа (бірінші нарықтағы) тұрғын үйлердің бағасы 4,1% көтерілді. Ал жалға алу ақысы өткен жылмен салыстырғанда 10% артты”, – делінген ақпаратта.
Павлодар, Ақтөбе және Көкшетауда жаңа үйлердің бағасы ең жоғары көтерілді. Павлодарда бастапқы нарықтағы тұрғын үй құны бір жыл ішінде 13,8%-ға өсті. Ақтөбеде бұл көрсеткіш – 13,6%, Көкшетауда 13,4% құрады.
Қайталама нарықта тұрғын үй бағасы ең көп өскен қалалар Атырау мен Астана болып табылады. Атырауда қайталама тұрғын үй бағасы 17,3%-ға, Астанада 14,5%-ға қымбаттады.
Жалдау бағасының ең көп өсуі Астана, Талдықорған және Шымкентте байқалды. Астанада пәтерлерді жалға алу құны бір жыл ішінде 30,1%-ға өсті. Талдықорғанда жалдау бағасы 27,7%-ға, Шымкентте 19,6%-ға өсті.
2025 жылдың қаңтарында 2024 жылдың желтоқсанымен салыстырғанда тұрғын үй бағасы айтарлықтай өзгерді. Қайталама нарықтағы тұрғын үй 1,5%-ға қымбаттады. Жаңа тұрғын үй бағасы 1,3%-ға өсті. Ал жалдау ақысы 2%-ға өсті.
2025 жылғы қаңтарда Қазақстанда жылжымайтын мүлікті сату және сатып алу бойынша 30 917 мәміле тіркелді. Оның 6153-і жеке тұрғын үймен, 24764-і көп пәтерлі үйлермен қамтылды.
2024 жылғы желтоқсанда 50 046 мәміле жасалды, яғни тұрғын үй нарығындағы белсенділік 38,2%-ға төмендеді.
Тұрғын үй саудасы бойынша Ең белсенді қалалар Астана, Алматы және Қарағанды облыстары болды. Астанада 6548 мәміле жасалды, елдегі ең ірі сатылымдар осы қалада тіркелді. Алматы қаласында 6137 мәміле жасалды, Қарағанды облысында 2 411 мәміле тіркелді.
Ең аз тұрғын үй сатылатын аймақ – Ұлытау облысы. Бұл аймақта тек 378 транзакция жасалды. Бұл елдегі тіркелген транзакциялардың жалпы санының 1,2 пайызына тең.
“2024 жылдың қаңтарымен салыстырғанда, 2025 жылдың қаңтарында тұрғын үй саудасы 2,5% төмендеді. Дегенмен кейбір өңірлерде керісінше, сатылым саны артқан. Ең үлкен өсім Батыс Қазақстан облысында тіркелді, мұнда сатып алу-сату мәмілелері 45,7% көбейді. Ал Түркістан облысында сатылым ең аз қысқарып, 27,8% төмендеді”, – делінген ақпаратта.
Еске сала кетейік, елімізде тұрғын үйге қосылған құн салығын қосу талқыланып жатыр. Сонымен қатар бұл норманы жаңа салық кодексіне енгізу жоспарда бар. Егер қосылған құн салығы 20% көтерілсе, тұрғын үй бағасы айтарлықтай көтерілуі мүмкін.
