Қазақстанға 2025 жылдың бірінші тоқсанында тұрақты тұру мақсатында келген азаматтар саны 4 923 адамға жетті. Бұл туралы Ұлттық статистика бюросы хабарлады. Елімізден кеткендер саны – 1 122 адам. Осылайша көші-қон сальдосы оң нәтиже көрсетіп, 3 801 адамды құрады, деп хабарлайды kaskelen.kz порталы.
Көші-қонның негізгі бағыты – ТМД елдері.
ТМД мемлекеттерімен арадағы көші-қон белсенділігі әлі де басым. Көшіп келгендердің 84,1%-ы ТМД елдерінен, ал кеткендердің 68%-ы осы елдерге бағыт алған.
ТМД елдерінен Қазақстанға көшіп келіп, ықтиярхат алған 4 137 адамның ішінде:
-
Өзбекстан – 2 614 адам
-
Ресей – 982 адам
Басқа елдерден келгендер саны – 783 адам. Олардың ішінде:
-
Қытайдан – 427 адам
-
Моңғолиядан – 129 адам
-
Түркиядан – 57 адам
Қазақстанның ішіндегі көші-қон бағыттары да айқындалды.
Көшіп келгендердің көпшілігі:
-
Алматы қаласын таңдаған – 1 649 адам
-
Маңғыстау облысы – 764 адам
-
Алматы облысы – 687 адам
Келгендердің негізгі бөлігі – 20 мен 44 жас аралығындағы азаматтар. Бұл – жалпы ағыстың 61,7%-ын құрайды.
Айта кету керек, 2025 жылы Қазақстан халқының саны 20,3 миллион адамға жетті. Бұл өсім ішкі және сыртқы көші-қонның оң динамикасы аясында байқалып отыр.
