Ережесіз жекпе-жектен әлемнің 3 дүркін чемпионы Қуат Хамитов футболшылар мен хоккейшілердің Олимпиада мен Әлем чемиондарынан көп табыс табатынын сынады, деп хабарлайды kaskelen.kz.
Қуат “Найман” Қазақстанда футболшылар мен хоккейшілердің қанша айлық алатынын естіп жүрегі қатты ауырғанын айтты. Видеоны мына сілтеме арқылы көре аласыз.
“Неге десеңіздер, күні кеше ғана Әлем чемпионы болған тұңғыш қазақ, көк байрағымызды көтеріп, алтын медаль алып келген бауырымызға 15 мың доллар беріп, түк болмағандай шығарып салып жатырмыз. Әлем чемпионы болғаны үшін тарихи жеңіске берген сыйақыны болмайтын футбол, болмайтын хоккей клубтарда ойнайтын нәтижелері жоқ жігіттер ай сайын алып жатыр. Осы мәселені қашан қолға аламыз. Неге елімізде Олимпиада, Әлем чемпиондары, Азия чемпиондары нәтижелері жоқ жігіттерден аз ақша алуы керек? Бұл мәселені елімізде қолға алатын адам бар ма?” – деп пікірін айтты спортшы.
Қуат Хамитов Туризм және спорт министрлігі, Спорт және дене шынықтыру істері комитеті осы мәселені қолға алып, дұрыстайтын уақыты келгенін айтты.
Сізге ұнауы мүмкін
“Бәріміз сыбайлас жемқорлықпен күрескіміз келеді, шағымданамыз. Көз алдымызда болып жатқан былықты орнына қойып, мәселені шешпей онымен қалай күресеміз?” – деді ережесіз жекпе-жек шебері.
Спортшы осыған дейін де футболшылар алып отырған жалақыларын ақтамайды және спорттағы жетістіктері де жоқ деп сынаған еді.
