Шымкент бойынша ҚММ департаменті контрафактілік энергетикалық сусындарды дайындау бойынша жерасты цехының қызметін әшкереледі, деп хабарлайды kaskelen.kz.
11 қыркүйекте АФМ баспасөз қызметінің хабарлауынша, бірлескен рейд нәтижесінде департаменттің, қалалық санитарлық-эпидемиологиялық бақылау басқармасының қызметкерлері мен құқық иеленушінің өкілдері 21 мыңнан астам жалған энергетикалық сусын, 54 мыңнан астам тауар белгісі бар бос банка, құюға және орауға арналған жабдық, контрафакт жасауға арналған қақпақтар мен құрғақ қоспалар тәркіленді.
Жалған энергетиктер лимон қышқылынан, кофеиннен, содадан және қанттан бояғыштар мен қышқылдықты реттегіштер қосылған. Құқық иеленушіге келтірілген залал сомасы 37 млн теңгені құрады.
“Ұлттық сараптама орталығының” микробиологиялық зерттеу хаттамасына сәйкес, алынған сусынның құрамында рұқсат етілген нормадан екі есе асатын зең мен ашытқы бар екені анықталды. Бұл өнімдерді қолдануға болмайды, өйткені бұл адам денсаулығына, әсіресе жас ағзаға қауіпті”, – делінген ведомство хабарламасында.
Сотқа дейінгі тергеу басталды, тергеу мүддесі үшін басқа ақпарат әлі жарияланған жоқ.
