UFC 296 турнирінде жеңіске жеткен Шавкат Рахмонов елге оралды, деп хабарлайды kaskelen.kz. Видеоны мына сілтеме арқылы көре аласыз.
17 желтоқсан Лас-Вегаста өткен UFC 296 турнирінің басты жекпе-жегінде жартылай орта салмақтағы UFC чемпионы Леон Эдвардс пен Колби Ковингтон жұдырықтасты. Дәл осы салмақта өнер көрсететін Шавкат Рахмонов (18-0) америкалық спортшы Стивен Томпсонмен (17-7-1) кездесіп, қарсыласын екінші раундта қылқындыру әдісімен жеңген еді.
Ал бүгін Шавкат Рахмонов пен оның бапкерлік штабы Қазақстанға оралды. Оларды Алматы әуежайында журналистер, туған-туыстары, достары мен жанкүйерлері қарсы алды.
Еске сала кетейік, сенбі күнгі жеңісінен кейін Шавкат Рахмонов рейтингте 3-орынға көтерілді.
