Жыныстық және репродуктивті денсаулық жөніндегі қазақстандық қауымдастық ОКҚ алаңында өткен баспасөз конференциясында ерте жүктілік мәселесін көтерді, деп хабарлайды kaskelen.kz тілшісі.
Осы бағытта жүргізіліп жатқан жұмыстар туралы Қауымдастықтың атқарушы директоры Галина Гребенникова айтып берді. Оның айтуынша, қазіргі уақытта жасөспірімдердің жүктілігі бойынша жағдай жақсарған, алайда мәселе әлі де бар.
«Осы бағытта қандай жұмыс атқарылып жатыр?. Әрине, медицина қызметкерлерін оқыту арқылы қызмет көрсету сапасы артпақ. Біз Денсаулық сақтау министрлігімен өте тығыз жұмыс істейміз, көп жылдар бойы БҰҰ қорының халық саласындағы серіктесіміз. Бұл бізге заманауи халықаралық ұсыныстарды, отбасын жоспарлау, алдын ала дайындық, жүкті әйелдерге көмек көрсету тәсілдерін енгізуге көмектеседі. Бұл кәсіби мамандардың, мұғалімдердің қатысуынсыз қиын болатыны белгілі. Сондықтан үшінші жыл қатарынан педагогтер, денсаулық сақтау саласының өкілдеріне арналған пікірталас алаңы болып табылатын «жасөспірімдер мен жастардың репродуктивті денсаулығы» конференциясын ұйымдастырып келеміз», — деді спикер.
Халықаралық сарапшылар жыныстық дебюттің жасы өзгергенін (қазір 16,5 жаста), бірақ жасөспірімдердің репродуктивті мінез-құлқы өзгермегенін атап өтті.
«44%-дан астамының жыныстық қатынаста бірнеше серіктесі бар. Бұл қауіпті. Біздің міндетіміз — хабардар ету. Қазір жасөспірімдер өте қиын жағдайда, өйткені интернет бар, онда ақпарат көп, олар кейде бұрыс, бұрмаланып беріледі. Біздің міндетіміз — жастарға көмектесу», — деді Галина Гребенникова.
Еске сала кетейік, бұған дейін Түркістан облысында 182 жасөспірім жүкті болып қалғанын жазған болатынбыз. Ал, СҚО-да былтыр 46 жасөспірім қыз босанса, 14-і жасанды түсік жасатқан.
