Биыл электрлі самокаттарға қатысты жол апатынан 2 адам мерт болды, деп хабарлайды kaskelen.kz тілшісі.
«Кейінгі жылдары электрлі самокаттар мен мопедтер мәселесі айтарлықтай күшейе түсті және олардың жол жағдайына тигізетін әсері де артып келеді. 2023 жылғы 30 тамызда Парламент Мәжілісі депутаттарымен бірлесіп әзірленген заң жобасы қабылданды. Онда самокат ұғымы, жүріп-тұру қағидалары, сондай-ақ олардың жүргізушілерінің құқықтары мен міндеттері бекітілген», – делінген ҚР Ішкі істер министрлігі баспасөз қызметінің Kazinform агенттігіне берген жауабында.
Ведомство мәліметіне қарағанда, биылдың 7 айында электрлі самокаттарға қатысты 83 жол апаты тіркелді. Соның салдарынан 2 адам қаза тауып, 80 адам жараланған. Жоғарыда көрсетілген мерзімде электрлі самокат жүргізушілері жол ересін бұзудың 26 мыңнан астам дерегіне қатысы бары анықталған.
