Енді елімізде жылдық кірісі 30 миллион теңгеден асатындар үшін жеке табыс салығы 15 пайызды құрауы мүмкін, деп хабарлайды kaskelen.kz порталы Информбюро бағдарламасына сілтеме жасап.
Сараланған мөлшерлеме есепті жылдағы табысы 8500 айлық есептік көрсеткіштен асатын тұлғаларға қолданылады, яғни 33 миллион теңге.
Жалпы, жеке табыс салығының сараланған мөлшерлемесін белгілеу мәселесі кейінгі бірнеше жыл ішінде белсенді түрде талқыланып келеді. Себебі, көптеген адамдар жүктеменің әділ бөлінуін қалайды. Тиісінше, әрбір адам табысына қарай салық төлеуі керек.
Мәселен, қазір жылдық табысы 30 миллион теңгеден асатын қазақстандықтар үшін жеке табыс салығының мөлшерлемесі 15%-ды құрауы ықтимал. Бірақ бұл процедура жыл басынан бері қолданылмайды. Айталық, жалақы 3 миллион теңгені құрайды, яғни табысы 30 миллионға жеткенше резидент жалақысының 10%-ын жеке табыс салығы бойынша төлейді. Шекті мөлшерден асқаннан кейін мөлшерлеме 15%-ға дейін көтеріледі. Бұл ережені халық қолдайды.
“Оны дұрыс деп есептеймін. Мемлекеттің салығы төленбесе, оның ішінде біздің зейнетақымы, жалақымыз бар. Бәрі соның есебінен құралатын ақша ғой”, – дейді Астана тұрғыны.
Тағы бір тұрғын бәріне бірдей 10% болуы керек, деп есептейтінін жеткізді.
Еске сала кетейік, бұған дейін Қазақстандықтар бұдан былай зейнетақы жинақтарынан жеке табыс салығын төлемейтіні туралы мәлім болған еді.
