Қарасай ауданының ауыл шаруашылығы және жер қатынастары бөлімінің басшысы Сырым Жаркымбаев пен бас маман Жанболат Жазылбеков, құрылыс, сәулет және қалақұрылысы бөлімінің басшысы Дәурен Жаркетиров пара алды деген күдікпен ұсталды. Қазір сотқа дейінгі тергеп-тексеру жүргізілуде, деп жазады kaskelen.kz ақпарат агенттігі.
Kaskelen.kz редакциясына Қарасай ауданының ауыл шаруашылығы және жер қатынастары бөлімінің басшысы Сырым Жаркымбаев пен бас маман Жанболат Жазылбеков, құрылыс, сәулет және қалақұрылысы бөлімінің басшысы Дәурен Жаркетиров пара алды деген күдікпен ұсталғаны туралы ақпарат келіп түсті. Соған байланысты ҚР сыбайлас жемқорлыққа қарсы іс-қимыл агенттігіне ақпараттың рас-өтірігін тексеру мақсатымен сұрау салған еді.
“С.А.Жаркымбаев пен Ж.Ш.Жазылбековқа қатысты сотқа дейінгі тергеп-тексеру ҚР ҚК-нің 366-бабымен жүргізілуде”, – делінген хабарламада.
Сондай-ақ, ҚР Қылмыстық-процестік кодексінің 201-бабының 1-тармағына сәйкес, сотқа дейінгі тергеп-тексеру деректерін жария ету рұқсат етілмейтіндігі айтылды.
Одан бөлек Дәурен Жаркетировқа да сотқа дейінгі тергеп-тексеру ҚР ҚК-нің 366-бабымен жүргізілуде.
Жаңа заңға сәйкес, шенеуніктердің пара алғаны расталған жағдайда Қарасай ауданы әкімінің екі бірдей орынбасары қызметінен босатылуы тиіс.
