Алматы әкімдігі жер сілкінісі және басқа да ықтимал ТЖ кезінде халықты жедел хабардар ету жүйесін іске қосады, деп хабарлайды kaskelen.kz
Қала әкімі Ерболат Досаев Үкімет отырысында жаңа жүйе мамыр айында іске қосылатынын атап өтті.
«Мемлекет басшысының ағымдағы жылғы 25 қаңтардағы мобильді құрылғылар арқылы халықты шұғыл жаппай құлақтандыру жүйесін енгізу жөніндегі тапсырмасы шеңберінде Алматы қаласы әкімдігі пилоттық режимде ЦДИАӨМ және ТЖМ-мен бірлесіп қала тұрғындарын төтенше жағдайлар туралы жедел хабардар ету мақсатында ағымдағы жылдың мамыр айының соңына дейін “Mass Alert” қағидаты бойынша халықты жедел құлақтандыру жүйесін енгізуді жоспарлап отыр, оған 475 млн теңге бөлінді», – деп түсіндірді Ерболат Досаев.
