Тараз қаласында өткен Кенен Әзірбаев атындағы “Шырқа,даусым” XI Республикалық дәстүрлі әншілер-конкурсында үздік өнер көрсеткен Қарасайлық дәстүрлі әнші Нұрсұлтан Елемесов Бас жүлдені жеңіп алды!
Еліміздің түкпір-түкпірінен ең мықты деген 24 өнерпаз қатысқан байқау үш кезеңнен тұрды.
Өнер майталмандары Рамазан Стамғазиев, Ардақ Исатаева қазылық еткен байқауда , орындаушылық кәсіби шеберлігімен көзге түскен Нұрсұлтан байқаудың үш кезеңінде де сүрінбей өтті.
Жамбыл облысы әкімдігінің қолдауымен өткен байқаудың да жүлдесі қомақты болып, Нұрсұлтан Елемеске 1 млн. теңге ақшалай қаражат тарту етілді!
Осы орайда Нұрсұлтанға өнерің өрлеп, қазақтың қара домбырасын әлемге танытып, биік шыңдарды бағындыра бер демекпіз!
